حادثه تهم الجميييييييييييع شاهدتها بالأمس ( ارجوا الاهتمام )

من طرف **الجريح** الأربعاء مارس 31, 2010 4:16 pm

يا جماعه .. خدوا بالكوا لان الموضوع عجيب شويه انما منطقى ...

امبارح فى المستشفى كان عندنا حالة جديده شويه ... رغم انها منطقيه انما هى صدفة تحدث واحد فى الالف وممكن تحصل معاكوا قوى ..

ام فجأه سمعت ابنها بيصرخ بصوت عاااااااااااااالى جدا دخلت عليه لاقيته بفرك فى الارض وحاطط ايدو الاتنين على عينو الاتنين .. طبعا قلبها وقع وقالت ده عينو جرالها حاجة .. ابنها ده شاب صغير لسا عمرو 20 سنه ..

اخدت تاكسى وجت بيه على المستشفى وهى فى حالة شبه انهيار عصبى وبتعيط ومتخيله ان عين ابنها الاتنين راحوا من غير ما تعرف ايه السبب

طبعا الدكتور المختص استلم الموقف بالكامل وانا ماشوفتش اكتر من كده ... وبعد شويتين كده قابلته وقولتله ايه الست دى مال ابنها وهى فين ..

قاللى لا دول خلاص مشيو ..

مشيو ؟؟؟!!!! ده كان باين انها حاله خطيرة ؟؟

قالى ولا خطيرة ولا حاجة ... وحكالى الموضوع واسمعوا بقى معايا العجب ..

الولد ده عندوا نظارة شمس من اللى بتتباع فى السوق بـ15 جنيه وعشرة جنيه دى ... المشكلة مش فى النظارة .. المشكلة فى نحس الولد ..

لبس هدومه ولمع نفسه وقبل مايخرج مسح البيه نظارتوا بتى شيرت (( بولى ايستر )) او الياف صناعيه ...

زجاج النظارة اخد شحنه سالبه طبعا .. ولان الولد مسح النظاره بضمير قوى كانت الشحنه كبيرة شويه .. والبيه ماستناش راح حاطط النظارة على عينه بعشم قوى علشان يشوف شكلها فى المرايه ...

حس طبعا بضغط خرافى على عينه نتيجة ان عينه (( اتكهربت )) وانقبضت قرنيته قبضة خفيفه ..

طبعا لان الولد اتفاجىء ولانه كمان مش فاهم ايه اللى حصل .. الرعب خلى الالم يتضاعف الف مرة والخضه تخليه يصرخ بشده من الالم .. وفعلا هو معذور .. لان الموضوع اينعم مش هيأثر على نظروا او عينه فى حاجة ان شاء الله حسب كلام الدكتور .. انما الخضة والخطفه والالم برضو كانوا شداد ...

بالله عليكم بلاش تمسحوا نظاراتكم ببولى ايستر او اى الياف صناعيه .. يا تمسحوها بالقماشه اللى معاها فى الجراب . يا اما بفوطة الوجه او باى قماش من القطن